ဘုရားအလောင်း ငရဲကျသည်မှာ အဘယ်​​ကြောင့်​နည်း

( ပုထုဇဉ်များ မိမိဝစီကံကို ဆင်ခြင်ဖွယ်)

နိယတဗျာဒိတ်ရပြီးတဲ့ ဘုရားအလောင်းသည် အဝီစိငရဲနှင့် လောကန္တရိက်ငရဲတို့၌ မဖြစ်တော့ စေကာမူ သာမာန်ငရဲတို့၌မူ ဖြစ်တတ်, ကျတတ်ပါတယ်။ ကိလေသာ မကင်းသေး၍ မကောင်းမှုတွေ ပြုမိသောကြောင့် သာမာန် ငရဲကျရပါတယ်။ ဘုရားအလောင်းရဲ့ ငရဲ၌ ဆင်းရဲခံစားခဲ့ရတဲ့ ဝတ္ထုဇာတ်လမ်း များစွာ ရှိပါတယ်။

ကဿပဘုရားရှင်ကို ဘုရားအလောင်း ဇောတိပါလလုလင်က “ဦးပြည်းရဟန်းအား အဘယ်မှာ သဗ္ဗညုတ ဉာဏ်ကို ရပါ့မလဲ? သဗ္ဗညုတဉာဏ်ဆိုတာ အလွန်ရခဲတဲ့ တရားဖြစ်တယ်”လို့ နှိမ့်ချပြောဆိုခဲ့တဲ့မကောင်းမှုကံကြောင့် အရာမက ဘဝများစွာ ငရဲဆင်းရဲအစရှိသည်တို့ကို ခံစားခဲ့ရကြောင်း အပဒါန်ပါဠိတော်, ယင်းအဋ္ဌကထာ(ခု၊ ၃၊ ၃၄၉။ အပဒါန်၊ ဋ္ဌ၊ ၁၊ ၁၂၈)တို့၌ လည်းကောင်း,

လွန်လေပြီးတဲ့ ဘဝတစ်ခု၌ ဘုရားအလောင်းတော်ဟာ သေသောက်ကြူးဖြစ်၍ သဗ္ဗာဘိဘူ ဘုရားရှင်ရဲ့ တပည့် နန္ဒအမည်ရှိတဲ့ တပည့်ရဟန်းတော်အား “ဤရဟန်းသည် သီလမရှိ, ယုတ်မာတဲ့အကျင့်ရှိတယ်" စသည် ဖြင့် စွပ်စွဲ ပြော ဆိုမိတဲ့ အကုသိုလ်ကံကြောင့် အနှစ် တစ်သောင်းတို့ပတ်လုံး ငရဲ၌ ခံရကြောင်း အပဒါန်ပါဠိတော် (ခု၊ ၃၊ အပဒါန၊ ၃၄၇)၌ လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ မုနာဠိအမည်ရှိ အရက်သမားဖြစ်၍ သုရဘိ အမည်ရှိတော်မူတဲ့ ပစ္စေကဗုဒ္ဓါအား “ဤရဟန်းသည် ဒုဿီလဘဲ၊ ယုတ်မာတဲ့အကျင့်ရှိတယ်" လို့ ဆဲရေးမိတဲ့ အကုသိုလ်ဝစီကံကြောင့် များစွာသော နှစ်အထောင်တို့ပတ်လုံး ငရဲ၌ ခံစားခဲ့ရကြောင်း အပဒါန်ပါဠိတော် (၁၊ ၃၄၇), အပဒါန်အဋ္ဌကထာ (၁၊ ၁၃၃) တို့၌ လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ ပုဏ္ဏားမျိုး၌ဖြစ်၍ ရသေ့ပြုလုပ်ကာ တပည့်များကို မန္တန်ပို့ချနေစဉ် အဘိညာဉ်ငါးပါး သမာပတ်ရှစ်ပါးနှင့်ပြည့်စုံတဲ့ ရသေ့တစ်ပါးအပေါ်မှာ မနာလို ဣဿာပွါးလျက် “ဤရသေ့သည် ကာမဂုဏ်ခံစားနေသူဘဲ" ဟု စွပ်စွဲပြောဆိုမိတဲ့ အကုသိုလ်ကံအကျိုးအားဖြင့် အနှစ်တစ်ထောင်တို့ပတ်လုံး ငရဲ၌ ခံစားခဲ့ရ ကြောင်း အပဒါန်ပါဠိတော် (၁၊ ၃၄၇-၃၄၈)နှင့် အပဒါန်အဋ္ဌကထာ (၁၊ ၁၃၄)တို့၌လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ ဘတူမိကွဲ ညီငယ်ကို ကျောက်ဖြင့် ထုသတ်ခဲ့တဲ့ မကောင်းမှု အကျိုးအားဖြင့် ငရဲစသည်တို့၌ အထောင်မကသောနှစ်တို့ပတ်လုံး ဆင်းရဲ ခံစားခဲ့ရကြောင်း အပဒါန်ပါဠိတော် (၁၊ ၃၄၈) နှင့် အပဒါန်အဋ္ဌကထာ (၁၊ ၁၃၅)တို့၌လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ မထင်ရှားတဲ့ အမျိုး၌ ဖြစ်၍ ငယ်ရွယ်စဉ်က လမ်းမပေါ်ဝယ် ကစားနေတုန်း ဆွမ်းခံကြွလာတဲ့ ပစ္စေကဗုဒ္ဓါကို မြင်၍ “ဤဦးပြည်းရဟန်းက အဘယ်သို့ သွားမည်နည်း?” လို့ ပြောဆိုကာ ကျောက်စရစ်ခဲဖြင့် ပစ္စေကဗုဒ္ဓါအရှင်မြတ်ရဲ့ ခြေဖမိုး၌ ပစ်ခဲ့တယ်၊ ခြေဖမိုးအရေ ဖြတ်ခွဲ၍ သွေးထွက်ခဲ့တယ်၊ ထိုမကောင်းမှုကြောင့် အထောင်မက များစွာသောနှစ်တို့ပတ်လုံး ငရဲ၌ ကြီးစွာဒုက္ခ ခံစားခဲ့ရကြောင်း အပဒါန်အဋ္ဌကထာ (၁၊ ၁၃၆-၁၃၇)၌ လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ ဆင်ထိန်းဖြစ်စဉ် ဆင်စီးလျက် လာသောအခါ ခရီးလမ်းမ၌ ပစ္စေကဗုဒ္ဓြွါကို တွေ့မြင်၍ “ဤဦးပြည်းကား အဘယ်မှ လာသနည်း?”လို့ ထိပါးလိုစိတ် ရှိသည်ဖြစ်၍ ဆင်ဖြင့် ထိပါးခဲ့တဲ့ မကောင်းမှုကြောင့် အပါယ်တို့၌ အထောင်မကသော နှစ်တို့ ပတ်လုံး ဆင်းရဲခံစားခဲ့ရကြောင်း အပဒါန်အဋ္ဌကထာ (၁၊ ၁၃၇)၌ လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ ပစ္စန္တရစ်မင်းဖြစ်၍ သူယုတ်မာတို့နှင့် ပေါင်းဖော်မိ သဖြင့် တစ်နေ့မှာ သန်လျက်လက်စွဲလျက် မြို့တွင်း၌လှည့်လည်ကာ အပြစ်မဲ့သူတွေကို သံလျက်ဖြင့် သတ်ခဲ့တယ်၊ ထိုမကောင်းမှု အကျိုးအားဖြင့် ထောင်ပေါင်းများစွာသောနှစ်တို့ပတ်လုံး ငရဲ၌ ကျက်ခဲ့ရကြောင်း အပဒါန်ပါဠိတော် (၁၊ ၃၄၉)နှင့် အပဒါန် အဋ္ဌကထာ (၁၊ ၁၃၈)တို့၌ လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ တံငါမျိုး၌ ဖြစ်၍ တစ်နေ့မှာ အခြားတံငါသည်တွေနှင့် အတူ ငါးများသတ်ဖြတ်ရာဌာနသွားရာ ငါးတွေ သတ်နေတာကို မြင်တဲ့အခါ ဝမ်းမြောက်ခြင်း ဖြစ်မိတယ်၊ ထိုအကုသိုလ်ကံ ကြောင့် အပါယ်လေးဘုံ၌ ဆင်းရဲခံစားခဲ့ရကြောင်း အပဒါန်အဋ္ဌကထာ (၁၊ ၁၃၈-၁၃၉)၌ လည်းကောင်း,

အတိတ်ဘဝတစ်ခု၌ပင် ဘုရားအလောင်းဟာ မထင်ရှားတဲ့ အမျိုး၌ဖြစ်၍ မိုက်မဲသည့်အလျောက် ဖုဿဘုရားရှင်ရဲ့ တပည့်ရဟန်းတော်များ, ကောင်းမြတ်တဲ့ ဆွမ်း, အဖျော်, သလေးဘောဇဉ် စသည်များကို ဘုဉ်း ပေးနေသည်တို့ကို မြင်ရလျှင် “ဟယ် ဦးပြည်းရဟန်းတို့ မယောကြမ်းကို စားကြကုန်လော့, သလေးဘောဇဉ်ကို မစားကြနဲ့" လို့ ဆဲရေးမိခဲ့တယ်၊ ထိုအကုသိုလ်ကံကြောင့် အထောင်မက များစွာသောနှစ်တို့ပတ်လုံး အပါယ်လေးပါး၌ ဆင်းရဲခံစားရကြောင်း အပဒါန် အဋ္ဌကထာ (၁၊ ၁၃၉)၌ လည်းကောင်း လာရှိပါတယ်။

အဲဒီ အပဒါန်ပါဠိတော် ပုဗ္ဗကမ္မပိလောတိကဗုဒ္ဓအပဒါန်,အဋ္ဌကထာ ဗုဒ္ဓအပဒါန်အဖွင့်တို့၌ လာရှိ သောကြောင့် နိယတဗျာဒိတ်ရ ဘုရားအလောင်းပင် ငရဲကျကြောင်းကို သိရပါတယ်။ ပုထုဇဉ် သာမာန်ဖြစ်သော မိမိတို့မှာမူ ငရဲ၌ ဘယ်နှစ်ခါ ကျခဲ့ဘူးတယ်-ဆိုတာ ပြောဖို့ မလွယ်ပါ။

ဆရာတော် ဦးဇောတာလင်္ကာရ
ဓမ္မာနန္ဒ ဝိဟာရ

ဗျာဒိတ်ရပြီးဘုရားအလောင်းတို့မဖြစ်ရာဌာန(၁၈)ပါး
**********************************************

၁။ ပဋိသန္ဓေကန်း မဖြစ်ခြင်း။
၂။ နားပင်းသူ မဖြစ်ခြင်း။
၃။ သွားရေမကျခြင်း။
၎။ အရှုးမဖြစ်ခြင်း။
၅။ လူရိုင်းမဖြစ်ခြင်း။
၆။ ကျွန်မျိုးမဖြစ်ခြင်း။
၇။ နိယတမိစ္ဆာဒိဋ္ဌိမဖြစ်ခြင်း။
၈။ ပဉ္စာနန္တရိယကံမကျူးလွန်ခြင်း။
၉။ အသညသတ်ဗြဟ္မာမဖြစ်ခြင်း။
၁၁။ ငုံးအောက်မငယ် ဆင်ထက်မကြီးတိရစ္ဆာန်ဖြစ်ခြင်း။
၁၂။ နူနာရောဂါမဖြစ်ခြင်း။
၁၃။ စကြာဝဠာတစ်ပါး၌မဖြစ်ခြင်း။
၁၄။ သုဒ္ဓါဝါသဘုံ၌မဖြစ်ခြင်း။
၁၅။ အပါယ်ငရဲမကျခြင်း။
၁၆။ မာရ်နတ်မဖြစ်ခြင်း။
၁၇။ ပြိတ္တာမျိုး၌မဖြစ်ခြင်း။
၁၈။ လိင်ပြန်ရိုးမရှိခြင်း။

တက္ကသိုလ်သျှင်သီရိ(ဓမ္မာစရိယ-ဘီအေ)
ရင်နှစ်သည်းချာသားလိမ္မာမှ

ထိုထဲတွင်ပါသော အပါယ်ငရဲမကျခြင်းဆိုသည်ကို အဝီစိငရဲနှင့် လောကန္တရိက်ငရဲသို့ မကျရောက်ခြင်းဟု မှတ်ယူကြပါကုန်။

နိဗ္ဗာန်​မ​ရောက်​​ကြောင်းတရား(၅)ပါး

နိဗ္ဗာန်မရောက်ကြောင်းတရား (၅) ပါး 

(၁) ကုသိတ = မှားယွင်းသော ကြံစည်မှုတို့ဖြင့် ယှဉ်နေခြင်း။

 မှားယွင်းသောကြံစည်မှု (၃) မျိုး 

(က) ကာမဝိတက် = ကာမဂုဏ်တို့ကို ကြံစည်တွေးတောနေခြင်း (လောဘ)။

(ခ) ဗျာပါဒဝိတက် = သူတစ်ပါးတို့၏ ပျက်စီးမှုကို ကြံစည်တွေးတောနေခြင်း (ဒေါသ)။

(ဂ) ဝိဟိံသဝိတက် = သူတစ်ပါးတို့အား ညှင်းဆဲမှုကို ကြံစည်တွေးတောနေခြင်း (ဒေါသ)။

(၂) ဟီနဝီရိယ = လျောင်း ထိုင် ရပ် သွား ဣရိယာပုတ်လေးပါး၌ အားထုတ်မှု ကြိုးစားမှုမရှိခြင်း။
(၃) ထိန မိဒ္ဓ ဗဟုလ = ထိုင်းမှိုင်းမှုများခြင်း ကိုယ်စိတ်နှစ်ပါး မကြည်မလင်ဖြစ်မှုများခြင်း။
(၄) အဟိရိက = မကောင်းမှုပြုလုပ်ရမည်ကို မရှက်ခြင်း။

(၅) အနာဒရ = ကောင်းမွန်မှန်ကန်သော အကျင့်မြတ် ပဋိပတ်၌ ရိုသေလိုက်နာမှု မရှိခြင်း။

⇨ ထိုငါးပါးတို့နှင့် ပြည့်စုံသောပုဂ္ဂိုလ်သည် မြတ်သောနိဗ္ဗာန်သို့ မရောက်နိုင်။

 နိဗ္ဗာန်ရောက်ကြောင်းတရား (၄) ပါး 

(၁) သမာဓိ = သတိပဋ္ဌာန်လေးပါးတို့၌ အမြဲမပြတ် သတိကပ်နေသူ။

(၂) နိပက = ကမ္မဋ္ဌာန်း၌ မပြတ်အားထုတ်လေ့ရှိသော ဥာဏ်နှင့်ပြည့်စုံသူ။

(၃) ဈာယီ = အာရမ္မဏူပနိဇ္ဇျာန (အာရမ္မန + ဥပနိဇ္ဇျာန) သမထဈာန်
လက္ခဏူပနိဇ္ဇျာန (လက္ခဏာ + ဥပနိဇ္ဇျာန) ဝိပဿနာဈာန်
ယင်းနှစ်ပါးတို့နှင့်ပြည့်စုံသူ

(၄) သံယောဇနံဇာတိဇရာယဆေက = မွေးသေဒုက္ခကိုဖြစ်စေတတ်သည့် သံယောဇဉ်ကို ဖြတ်နိုင်သူ။

ထိုလေးပါးနှင့် ပြည့်စုံသောပုဂ္ဂိုလ်သည် မြတ်သောနိဗ္ဗာန်သို့ ရောက်နိုင်၏။

အာတာပီသုတ် ဣတိဝုတ်ပါဠိတော် (နှာ-၂၁၄)

ပေးကမ်းခြင်းနဲ့ ပေးကမ်းနည်း မသိ၍သာ ဆင်းရဲသည်​

ဆင်းရဲသားတစ်ယောက်က ဘုရားရှင်ကိုမေးတာ" ဘာဖြစ်လို့ကျွန်တော်မျိုးဟာ မွဲတေဆင်းရဲနေရတာလည်း"ဘုရား

ဘုရားရှင်က ပြောပါတယ်။ သင်ဟာ" ပေးကမ်းခြင်းနဲ့ ပေးကမ်းနည်းကို မသိလို့ပါပဲ။

ဆင်းရဲသားက ပြန်ပြောတာ ကျွန်တော်မျိုး" မှာ.....ပေးကမ်းစရာ ဘာမှမှ မရှိတာ.....ဆိုတော့" မြတ်စွာဘုရားရှင်က သင်ပေးတာ" သင့်မှာ ရှိနေတာတွေ မနည်းပါဘူး။

မျက်နှာ- အပြုံးတွေပေးစွမ်းနိုင်တယ်။
လန်းဆန်းမှု-တက်ကြွမှု-ရွှင်လန်းမှုတွေ ပေးစွမ်းနိုင်တယ်။

ပါးစပ်- - သင်"သူတပါးကို ချီးမွမ်းစကားတွေ-အားပေးစကားတွေ-မင်္ဂလာရှိ ကောင်းမွန်တဲ့စကားတွေ ပြောပေးလို့ရနိုင်တယ်။

-နှလုံးသား -တပါးသူကို ရင်ဖွင့်ပြနိုင်တယ် စစ်မှန်ခြင်းတွေ "ဖြူစင်ရိုးသားမှုတွေ"နဲ့ မေတ္တာတရားတွေ ပေးစွမ်းနိုင်တယ်။

မျက်လုံး- တပါးသူကို ကောင်းမွန်တဲ့ စေတနာအမြင်နဲ့ မြင် ကြည့်လို့ရတယ်
နွေးထွေးဖော်ရွေးတဲ့ အကြည့်နဲ့ ပေးစွမ်းနိုင်တယ်"

ကိုယ်ခန္ဓာ-သူ့ကိုအသုံးချပြီး သူတပါးကို ကူညီနိုင်တယ်

ဒါကြောင့် သင်ဟာ မဆင်းရဲပါဘူး။ စိတ်ထဲက နှိမ့် ကျဆင်းရဲခြင်းတွေက သာလျင် ဆင်းရဲခြင်းအစစ်ဖြစ်တယ်။

ချစ်ခြင်းမေတ္တာတွေ ပေးလွတ်လိုက်တဲ့အခါ ချစ်ခြင်းမေတ္တာတွေ ပြန်ရောက် လာမယ် သူတပါးကို ကူညီလိုက်တဲ့ အခါ ကူညီမှုတွေက ပြန်ရောက်လာမယ်

ပျော်ရွှင်မှုတွေပေးလိုက်တဲ့အခါ ပျော်ရွှင်မှုတွေကပြန်ရောက် လာတတ်တယ်။ ဒါဟာ အကျိုးနဲ့အကြောင်း ဖြစ်သလို လောကကြီးရဲ့ သဘာဝပဲ ပေးဆပ် လေလေ ရရှိလေလေပါပဲ။

သားကောင်းသားမြတ် ရစေသော ဂါထာ

(ပဋိသန္ဓေတည်နေစဉ် ရွတ်ဆိုရန်)

ယော မေ အယံ ဘန္တေ ကု စ္ဆိတော ကုမာရကော ဝါ ကုမာရိကာ ဝါ၊သော ဘဂဝန္တံ သရဏံ ဂစ္ဆတိ ဓမ္မဉ္စ ဘိက္ခု သံဃဉ္စ၊ ဥပါသကံ တံ ဘဂဝါ ဓာရေတု အဇ္ဇတဂ္ဂေ ပါဏုပေတံ သရဏံ ဂတံ။ (မ-၂-၃၀၀)

ဘန္တေ- အရှင်ဘုရား၊
မေ-တပည့်တော်၏၊
ကု စ္ဆိတော- ဝမ်း၌တည်သော၊
ယော အယံကုမာရောဝါ- အကြင် သတို့သားသည်သော်လည်းကောင်း၊ ယာအယံကုမာရိကာဝါ- အကြင်သတို့သမီးသည်သော်လည်းကောင်း၊
အတ္ထိ-ရှိ၏။
သော -ထိုသန္ဓေသားသည်၊
ဘဂဝန္တံ- မြတ်စွာဘုရားကို၊
သရဏံ- ကိုးကွယ်ရာဟူ၍၊
ဂစ္ဆတိ-ဆည်းကပ်ပါ၏။
ဓမ္မဉ္စ-တရားတော်ကိုလည်းကောင်း၊
ဘိက္ခုသံဃဉ္စ-ရဟန်းသံဃာကိုလည်းကောင်း၊
သရဏံ - ကိုးကွယ်ရာဟူ၍၊
ဂစ္ဆတိ-ဆည်းကပ်ပါ၏။
ဘဂဝါ-မြတ်စွာဘုရားသည်၊
တံ-ထိုသန္ဓေသားကို၊
အဇ္ဇတဂ္ဂေ-ယနေ့ကိုအစပြု၍၊
ပါဏုပေတံ-အသက်ထက်ဆုံး၊
သရဏံ- ကိုးကွယ်ရာဟု၊
ဂတံ-ဆည်းကပ်သော၊
ဥပါသကံ- ရတနာသုံးပါး ဆည်းကပ်တတ်သူဟူ၍၊
ဓာရေတု- မှတ်တော်မူပါအရှင်ဘုရား။

( မြန်မာပြန်)

မြတ်စွာဘုရား ဘုရားတပည့်တော်၏ ဝမ်း၌တည်ရှိနေသော ကလေးငယ်သည် မြတ်စွာဘုရားအား လည်းကောင်း၊ တရားတော်အားလည်းကောင်း၊ သံဃာတော်အားလည်းကောင်း၊ ကိုးကွယ်ရာအစစ်ဟူ၍ ဆည်းကပ်ပါ၏ဘုရား။ ထိုသန္ဓေသားအား ယနေ့မှစပြီး အသက်ထက်ဆုံး သရဏဂုံတည်သူဟူ၍ မှတ်တော် မူပါဘုရား။

ဖေဖေမေမေတို့ သားကောင်းသမီးမြတ်ကလေးများ ပိုင်ဆိုင်နိုင်ကြပါစေ။

"သစ်ခုတ်သမား"

တခါတုန်းက အလွန်သန်မာပါတယ်လို့ နာမည်ကြီးတဲ့
သစ်ခုတ်သမားတစ်ယောက်ဟာ သူဋ္ဌေးတယောက်ဆီမှာ
အလုပ်ဝင်ခဲ့တယ်။ သူ့ ရဲ့ နာမည်ကျော်ကြားမှုကြောင့်ရော
ခွန်အားကြောင့် ရော လစာကတော့ တော်တော်ကောင်းတာပေါ့ ။
ဒီအတွက်ကြောင့်လည်း သစ်ခုတ်သမားက သူလုပ်ရမဲ့အလုပ်ကို
အကောင်းဆုံး လုပ်ပေးဖို့ ဆုံးဖြတ်လိုက်တယ်။

သူ့ ရဲ့  သူဋ္ဌေးက သူ အလုပ်ဝင်တဲ့ နေ့ မှာ ပုဆိန်တစ်လက်ပေးပြီးတော့ 
သူ ခုတ်ရမဲ့ ဧရိယာကို ပြပါတယ်။

ပထမနေ့ 
~~~~~~
သူ သစ်ပင် (၁၈)ပင် ပြီးအောင် ခုတ်နိုင်ခဲ့ တယ်။

“ဂုဏ်ယူပါတယ်”လို့ သူဋ္ဌေးက သူ့ ကို ချီးမွမ်းတယ်။
“ဒီအတိုင်းပဲ ဆက်လုပ်သွားပါ”သူဋ္ဌေးရဲ့ အားပေးစကားက သူ့ ကို
အလွန်အားတက်သွားစေခဲ့ တယ်။

.

ဒုတိယနေ့ 
~~~~~
သူ ပိုကြိုးစားပြီး ခုတ်တယ်။ဒါပေမဲ့ သူ ဒီနေ့ မှာတော့  သစ်ပင် (၁၅)
ပင်သာ ရအောင် ခုတ်နိုင်ခဲ့ပါတယ်။

.

တတိယနေ့ 
~~~~~~~
သူ ပိုပြီး ကြိုးစားခဲ့တယ်။ အားကြိုးမာန်တက်နဲ့  သစ်ပင်တွေကို
ခုတ်လှဲခဲ့တယ်။ နေ၀င်ချိန်မှာ ခုတ်ပီးတဲ့ အပင်တွေကို ရေ, ကြည့် 
လိုက်တော့ (၁၀) ပင်သာ ရှိကြောင်း ထူးဆန်းစွာ တွေ့ လိုက်ရတယ်။

တစ်ရက်ပြီးတစ်ရက် သူ့ ရဲ့စွမ်းဆောင်ရည်တွေ ကျ ကျလာနေတယ်လို့ 
သူ သိနေခဲ့ တယ်။“ငါ့ ရဲ့  အင်အားတွေ ကုန်နေပီနဲ့ တူပါတယ်” လို့ 
သူ့ ကိုယ်သူ တွေးခဲ့ တယ်။

.

သူဟာ သူဋ္ဌေးဆီကို သွားပြီး သူ့ ရဲ့  ကျဆင်းလာတဲ့ စွမ်းဆောင်ရည်အတွက် တောင်းပန်ပါကြောင်းနဲ့ သူ ကြိုးစားပမ်းစား လုပ်နေပါရက်နဲ့ ဘာလို့ 
ဒီလို ဖြစ်နေတာလဲ့ ဆိုတာကို သူကိုယ်တိုင်နားမလည်
ကြောင်းကို ဖွင့်ပြောခဲ့တယ်။

သူဋ္ဌေးက သူ့ ကို စူးစိုက်စွာ ကြည့်ရင်း…
“မင်း သစ်တစ်ပင်ခုတ်ပြီးတိုင်း နောက်ဆုံးအချိန်တွေမှာ ပုဆိန်ကို
ပြန်သွေးသေးလား”"ဗျာ….ပုဆိန်ကိုလား….ပြန်သွေးရမယ်ဟုတ်လား…
အဲဒါ ….အဲဒါတော့ ကျွန်တော် မလုပ်ဖြစ်ဘူးဗျ..ဘာကြောင့်လဲဆိုတော့
ကျွန်တော် သစ်ပင်တွေကို ခုတ်ဖို့ အလုပ်အရမ်းရှုပ်နေတယ်လေ”

.

ကျွန်တော်တို့ ရဲ့ ဘ၀တွေလည်း ဒီလိုပါပဲ။ အချိန်တော်တော်များများမှာ
အလုပ်တွေ ရှုပ်နေပါတယ်ဆိုပီး ပုဆိန်ရဲ့ အသွားကို ပြန်သွေး
ဖို့မေ့နေကြတယ်။

အခုအချိန်တွေမှာ ကျွန်တော်အပါအ၀င်လူတော်တော်များ အလုပ်
အလုပ် အလုပ်နဲ့ အလုပ်တွေကို ဖိပီး အမြဲတမ်း ကြိုးစားလုပ်ကိုင်ရင်းနဲ့ 
ပျော်ရွှင်မှု ဆိုတဲ့  ပုဆိန်သွေးတဲ့ အချိန်လေးတွေကို
အမြဲတမ်းပျောက်ဆုံးနေရတယ်။

ပုဆိန်သွေးဖို့ ဘာကြောင့် လိုအပ်တာပါလဲ?
ဘာကြောင့် ပုဆိန်ကို သွေးဖို့ မမေ့ သင့်တာပါလဲ?

အလုပ်အရမ်းကြိုးစားတယ်ဆိုတာက မှားတဲ့ အချက်မဟုတ်ပါဘူး။
ဒါပေမဲ့ အလုပ်တွေကို ဖိလုပ်ရင်းနဲ့  ဘ၀ရဲ့  တကယ့် အရေးကြီးတဲ့
လုပ်ရမဲ့အရာတွေကို မေ့ နေတာက လှစ်လျူရူ ထားတာက မှားတာပါ။

ကျွန်တော်တို့ မိသားစု အတွက် ပေးရမဲ့ အချိန်လေးတွေ သူငယ်ချင်းတွေနဲ့ 
ပျော်ရွှင်စွာ စကားပြောရမဲ့အချိန်လေးတွေ ချစ်ရသူတွေအတွက် ပေးရမဲ့အချိန်လေး…….စတဲ့ တကယ့် တန်ဖိုး မဖြတ်နိုင်တဲ့ 
အစားပြန်မရတော့မဲ့  အချိန်လေးတွေ (ပုဆိန်ကို ပြန်သွေးရမဲ့ အချိန်လေး)
တွေကို မေ့ လျော့နေခြင်းပါပဲ။

ကျွန်တော်တို့ အားလုံး အနားယူဖို့ မိသားစုအတွက် အချိန်ပေးဖို့ 
သင်ယူဖို့ နဲ့ရှင်သန်ဖို့ အတွက် အချိန်လေးတွေ ရှိရပါမယ်။
တကယ်လို့အဲလို အချိန်လေးတွေကို တန်ဖိုးမထား အလေးမထားခဲ့ 
ဘူးဆိုရင်တော့ တချိန်မှာ ၀မ်းနည်းကြေကွဲ ရပါလိမ့်မယ်။

မသွေးဘဲနဲ့  ဆက်ခုတ်နေတဲ့ ပုဆိန်လို အချိန်ကြာလာတဲ့ အမျှတုံးလာပြီး စွမ်းဆောင်ရည်တွေပါ ကျဆင်းလာပါလိမ့်မယ်။

 မိသားစုအတွက် သူငယ်ချင်းအတွက်
ချစ်ခင်ရသူတွေအတွက် အချိန်ပေးပါ။

- ကြင်နာပါ။

- နွေးထွေးပါ။

- ဂရုစိုက်ပါ။

 အစားထိုးလို့ မရတဲ့ အရာတွေ အတွက် နောင်တတွေ
မလိုချင်ပါနဲ့ ။ဝမ်းနည်း ကြေကွဲမှုတွေ ပါ အပိုပါလာတတ်လို့ ပါ။