===========
သီဟိုဠ်ကျွန်း မဓုအင်္ဂဏရွာ၌ 'ဒမိဠ' အမည်ရှိ တံငါသည် တစ်ယောက်ရှိသည်။ သိတတ်သော အရွယ်မှစ၍ အိမ်ထောင်ကျပြီး သေခါနီးအချိန်ထိ တံငါအလုပ်တစ်ခုတည်းဖြင့်သာ အသက်မွေးခဲ့သူ တစ်ယောက်ပင်။ သူ့ဘဝတွင် ကုသိုလ်ဟူ၍ ဘာတစ်ခုမှ မရှိခဲ့ပါပေ။ အိမ်သူ ဇနီးက ရပ်ကိုယ်တော်တစ်ပါးကို တစ်ခါတရံ ဆွမ်းလောင်းလှူဖူးတာ ရှိသော်လည်း သူ့အနေနဲ့ကတော့ ဘာမှ မသိခဲ့။
လင်ပြုသော ကုသိုလ်ကိုမယားက ဝမ်းသာမှ မယားပါ ကုသိုလ်ရသည်။ မယားပြုသော ကုသိုလ်ကို လင်ကဝမ်းသာမှ လင်ပါကုသိုလ်ရသည် ဟု ဆိုထားရာ မယားဆွမ်းလောင်းသည်ကို သိလည်း မသိ၊ ဝမ်းလည်း မသာသောကြောင့် သူအနေဖြင့် ကုသိုလ် ဖြစ်စရာလမ်း မရှိပေ။
သူတစ်ပါးအသက် သတ်သူများသည် ဘဝဆက်တိုင်း-
၁။ ခြေ, လက်အင်္ဂါ ချို့ယွင်းခြင်း။
၂။ မွဲပြာ ခြောက်သွေ့သော ရုပ်ရည်ရှိခြင်း။
၃။ ပိန်လှီ သေးညှက်၍ အင်အား မရှိခြင်း။
၎။ လျင်မြန် ဖြတ်လတ်မှု မရှိဘဲ လေးလံထိုင်းမှိုင်းခြင်း။
၅။ အမြဲတမ်း ထိတ်လန့် ကြောက်ရွံ့နေရခြင်း။
၆။ သူတစ်ပါး သတ်ဖြတ်ခံရခြင်း။
၇။ အနာရောဂါ များခြင်း။
၈။ အခြွေအရံ ပျက်စီး၍ အထီးကျန်စွာ နေရခြင်း။
၉။ အသက်တိုခြင်း ဟူသော ဆိုးကျိုးတို့ကို ခံစားရမည်။
ဟု ဗုဒ္ဓ ဟောကြားတော်မူသည့်အတိုင်းပင် ဒမိဠတံငါသည်ကြီးမှာ အသက် ငါးဆယ်ကျော်လေးမှာပင် သေဖို့ရန် အချိန် ရောက်ခဲ့လေပြီ။ သေခါနီး ပုဂ္ဂိုလ်များသည် မိမိ လားရောက်ရမည့် နေရာဌာနကို မြင်တတ် ကြသည်။ စာလို ဂတိနမိတ် ဟုခေါ်သည်။
နတ်ပြည်ရောက်မည့်သူဖြစ်က နတ်သမီး၊ နတ်သား၊ ဗိမာန်၊ ပဒေသာပင် တို့ကို မြင်ကြရသည်။ လူပြန်ဖြစ်မည့်သူဖြစ်က အမိဝမ်းရေး ခပ်နီနီလေးကို မြင်ကြရသည်။ ငရဲကျမည့်သူဖြစ်က ငရဲသားများ၊ ခွေးနက်ကြီးများ၊ မီးလျှံများကို မြင်ကြရသည်။ တိရစ္ဆာန်ဖြစ်မည့်သူဖြစ်က မိခင် တိရစ္ဆာန်မ၏ ပုံသဏ္ဍာန် ကို မြင်လာတတ်သည်။
တစ္ဆေသရဲဟု ခေါ်ကြသည့် ပြိတ္တာဘုံကို ရောက်မည်ဆိုပါ က မြစ်ကြီး၊ ချောင်းကြီး၊ တောကြီး၊ တောင်ကြီးများကို မြင်ရတတ်သည်။ ယခု ဒမိဠတံငါသည်ကြီးမှာ ငရဲသို့ ကျရောက်မည့်သူ ဖြစ်သောကြောင့် ခွေးနက်ကြီး၊ ငရဲမီး၊ ငရဲသားတို့ကို မြင်နေရပြီ ဖြစ်သောကြောင့် ထိတ်လန့်ကြောက်ရွံ့စွာနှ င့် အော်ဟစ် မြည်တမ်းနေရှာလေသည်။
သားမယားများကား ဘာမှလည်း မမြင်ရ၊ ဘာမှလည်း မတတ်နိုင် သဖြင့် လက်ပိုက်၍သာ ကြည့်နေရပေတော့သည်။ စားသုံးကြသည်ကတော့ မိသားတစ်စုလုံး မကောင်းကျိုးခံစားရပြီဆိုတော့ ရှာဖွေသူ တစ်ယောက်တည်း သာ လည်စင်း၍ခံရမည်။ ရှာဖွေကျွေးမွေးရသော အိမ်ထောင်ဦးစီးများ အထူးသတိပြုစရာ အချက်ပင် ဖြစ်၏။
မီးဘေး၊ ရေဘေး၊ ပြည်ပျက်ဘေး စသည်တို့နှင့် ရင်ဆိုင်ကြ ရသောအခါ သားနှင့် အမိ၊ သမီးနှင့် အဖ၊ ဆယ်ရေးတစ်ရေး ကိုးရေးတစ်ရာ ကယ်တင်နိုင် ကြသေးသော်လည်း အိုဘေး၊ နာဘေး၊ သေခြင်းဘေး တို့ကိုကား ဘယ်သူက ဘယ်သူ့ကိုမှ မကယ်နိုင်တော့ပေ။ ထို့ကြောင့်လည်း မန်လည်ဆရာတော် ဘုရားကြီးက 'မာဃဒေဝ လင်္ကာသစ်' တွင်....။
ရေဘေး, မီးဘေး၊ ပြည်ပျက်ဘေးကား
ဆယ်ရေး တစ်ရေး၊ ကယ်နိုင်သေး၏။
အိုဘေး, နာဘေး၊ သေခြင်းဘေးဟု
ဤဘေးသုံးပါး၊ လွန်ကြီးမားက
သားနှင့်အမိ၊ ဖြစ်တုံဘိလည်း
မျက်စိအောက်တွင်၊ ရင်ခွင်တင်လျက်
သက်ပင်ရေးပိုင်၊ မကယ်နိုင်ဘူး
လက်မှိုင်ချကာ၊ နေရစွာရှင့်....။
ဟူ၍ စပ်ဆိုခဲ့ခြင်း ဖြစ်ပေ လိမ့်မည်။
ထိုကဲ့သို့ ငရဲနိမိတ်များ ထင်နေသည့် အခိုက်မှာပင် စူဠပိဏ္ဍပါတိကတိဿ မည်သော ရဟန်းသည် ဆွမ်းခံရပ်ရင်ဖြင့် ဒမိဠတံငါသည်ကြီး၏ အသံကို ကြားလိုက်ရသဖြင့် ငရဲသွားမည့်သူ၏ အသံဖြစ်ကြောင်း သိလိုက် သည်နှင့်
" ဤအိမ်သည်ကား.....ငါ့ကို ဆွမ်းလောင်းဖူးသောကြောင့် ယခု အော်ဟစ်နေသော ဒကာကြီးသည်လည်း ငါ၏ ဆွမ်းဒကာပင် ဖြစ်သည်။ ဆွမ်းအလှူရှင်တစ်ယောက်သည် သူ ဆွမ်းလှူသော ရဟန်းတစ်ပါးရှေ့မှာ ငရဲသို့ ကျခြင်းသည် ဘယ်လိုမှ မသင့်လျော်၊ ငါ တတ်နိုင်သမျှ ငရဲမကျအောင် ကယ်လေမှ " ဟူသော အတွေးနှင့်အတူ ဒမိဠတံငါသည်၏ အနီးထိုင်ခုံတွင် ဝင်ထိုင်ပြီးလျင်.....။
" ဒကာကြီး-ယခုပင် ဒကာကြီးကို သရဏဂုံနှင့် ငါးပါးသီလ ပေးပါမည်၊ ဆောက်တည်ပါမည်လား " ဟု မေးလိုက်ရာ တံငါသည်ကြီးက " ဆောက်တည်ပါမည် ဘုရား " ဟု ဆိုသဖြင့် သရဏဂုံနှင့် ငါးပါးသီလကို စတင် ဆောက်တည် ပေးပါသည်။
သို့သော် သေဖို့ရာအချိန်က သိပ်နီးကပ်နေပြီ ဖြစ်သောကြောင့် သရဏဂုံသုံးပါး ဆောက်တည်အပြီးမှာပင် စုတိစိတ်ကျ၍ သေဆုံးသွား တော့သည်။ ငါးပါးသီလကို ဆက်လက် မဆောက်တည်လိုက်ရပေ။ အနန္တရမေဝ ဟူသော ဗုဒ္ဓ၏ ဒေသနာတော်အတိုင်း ဤဘဝမှ သေပြီးသည်နှင့် တပြိုင်နက် ကာလမခြားဘဲ လူသက်နှင့် အနှစ်ကိုးသန်း အသက်ရှည်သည့် စတုမဟာရာဇ်နတ်ဘုံ၌ နတ်သား သွား၍ ဖြစ်ရသည်။
နတ်ပြည်၌ နတ်သား ဖြစ်မည့်သူသည် အသက်နှစ်ဆယ်အရွယ် 'ဘွား' ကနဲ ချက်ချင်းဖြစ်ရသလို နတ်သမီး ဖြစ်မည့်သူသည်လည်း ဆယ့်ခြောက်နှစ် သမီးအရွယ် 'ဘွား' ခနဲ ဖြစ်လေတော့၏။ စာအလို 'ဥပပါတ်ပဋိသန္ဓေ' ဟု ခေါ်သည်။ တံငါသည်ကြီးသည် နတ်ပြည်သို့ ရောက်သည်နှင့် 'ငါကား...တံငါသည် တစ်ယောက် ဖြစ်ပါလျက် အဘယ်ကုသိုလ်ကြောင့် နတ်ပြည်ရောက်ရတာလဲ' ဟု ဆင်ခြင်ကြည့်ရာ ကျေးဇူးရှင်မထေရ်ကို မြင် သဖြင့် ချက်ချင်း လူ့ပြည်သို့ ဆင်းလာပြီးလျှင် မထေရ်အား ကျေးဇူးတင် စကား လျှောက်ထားသည်မှာ-
" အရှင်ဘုရား ကျေးဇူးကြောင့် တပည့်တော်ဟာ ငရဲဘုံ မရောက်ဘဲ နတ်ဘုံ ရောက်ခဲ့ရပါသည်၊ ဒါတောင် တပည်တော်ဟာ ငါးပါးသီလ မရောက်ခင် သေသွားခဲ့လို့ပါ၊ ငါးပါးသီလ ဆောက်တည်ပြီးမှ သေခဲ့ရရင် ဒီထက်မြင့်တဲ့ နတ်ဘုံကို ရောက်ရမှာပါ၊ ဒကာ, ဒကာမတိုင်း သိအောင် ဟောကြားပေးတော်မူပါဘုရား " ဟု လျှောက်ထားပြီးမှ နတ်ပြည်သို့ ပြန်သွား ခဲ့ပါသည်။
သေခါနီးမှ ကပ်၍ ဆောက်တည်ပေးခဲ့သော သရဏဂုံသည်ပင်လျှင် ဤမျှ ကောင်းကျိုးပေးလျှင် နေ့စဉ်ဆောက်တည်နေသော သရဏဂုံ ဖြစ်ပါက မည်မျှ ကောင်းကျိုး ကြီးနိုင်သည်ကို စာရှုသူများ စဉ်းစား၍ ကြည်ညိုသဒ္ဓါပွားကာ ကြိုးစား အားထုတ်နိုင်ကြပါစေ။
(အင်္ဂုတ္တုရ် အဋ္ဌကထာ၊ ဒုတိယတွဲ၊ နှာ-၁၀၇ ကို မှီငြမ်းပြု ရေးဖွဲ့ပါသည်)
မေတ္တာရှင်(ရွှေပြည်သာ) (သရဏဂုံအစွမ်း အံ့မခန်းဖြစ်ရပ်ဆန်းများ)
No comments:
Post a Comment