“သာကီဝင်မင်းတို့၏ဝဋ်ကြွေး”

ပေဿနဒီကောသလမင်းကြီးသည် သာကီဝင်မင်းတို့နှင့် ဆွေမျိုးတော်စပ်လို၍
မဟာနာမ်မင်းကြီးထံ သာကီဝင်မင်းသမီးတစ်ဦးကို
တောင်းခံခဲ့လေသည်။

သာကီဝင်မင်းတို့သည် အမျိုးမာန် အလွန်ကြီးသည်။
မိမိမျိုးနွယ်၌ တစ်ပါးသောမျိုးနွယ်ဖြင့် သွေးနှောမှုကို
အလွန်စက်ဆုပ်ကြလေ သည်။

ပေဿနဒီမင်းကြီးက သာကီဝင်မင်းသမီးတစ်ဦး
တောင်းလာသောအခါ ကောသလမင်းက
စစ်အင်အားတောင့်တင်းပြီး တန်ခိုးကြီးသောမင်း
ဖြစ်နေ၍ သတို့သမီး မပေးလျှင် မိမိတို့ကို
နှိပ်စက်ဖျက်ဆီးနိုင်သော အခြေအနေ ရှိနေသည်။
မပေး၍ မရနိုင်သောကြောင့် သာကီနွယ်စစ်
သတို့သမီးကိုမပေးဘဲ မဟာနာမ်မင်းကြီးနှင့်
ကျွန်မတို့က ပေါက်ဖွားသော ဝါသဘခတ္တိယမည်သော
ကျွန်မကို သာကီဝင် သတို့သမီးအဖြစ်
လိမ်ညာ၍ ပို့ဆက်ပေးလေသည်။

ကောသလမင်းနှင့် ဝါသဘခတ္တိယမင်းသမီးတို့
ပေါင်းသင်းဆက်ဆံ၍ ဝိဒဋူဘ အမည်ရှိသော
သားတစ်ယောက်ရခဲ့သည်။

ဝိဒဋူဘမင်းသားအရွယ်ရောက်၍ အဘိုးအဘွားကို
မိခင်ထံမေးပြီး သာကီဝင်မင်းတို့စံရာ ကပိလဝတ်သို့
သွား၍ ဘိုးတော်မဟာနာမ်မင်းကြီးကို ရှိခိုးပူဇော်လေသည်။

ထိုအချိန်တွင် ဝိဒဋူဘကျွန်မသားကို ရှိခိုးရမည်
စိုးသောကြောင့် ဝိဒဋူဘထက်ငယ်သော
သာကီဝင်မင်းသားအားလုံးကို အရပ်တစ်ပါးသို့
သွားရောက် ရှောင်တိမ်းနေစေခဲ့သည်။
ထို့ကြောင့် ဝိဒဋူဘမင်းသားကသာ ဘကြီး၊
ဦးကြီး၊ ဦးလေး စသည်ဖြင့် ရှိခိုးပူဇော်ရသည်။
ဝိဒဋူဘမင်းသားကို ရှိခိုးမည့်သူက တစ်ယောက်မျှ
မရှိပေ။

မင်းသားသည်(၇)ရက်နေပြီး သာကီဝင်မင်းတို့ထံမှ
ပြန်လည်ထွက်ခွာလာခဲ့သည်။ ထိုခဏမှာပင်
နောက်ပါအစောင့်တစ်ယောက်က လက်နက်
မေ့နေ၍ ပြန်ယူသည်။

ထိုအချိန်တွင် ကျွန်မတစ်ဦးသည် လွှတ်တော်၌
ဝိဒဋူဘမင်းသားထိုင်ခဲ့သော နေရာကို
နွားနို့ဖြင့်ဆေးကြောနေပြီး နှုတ်မှလည်း
ကျွန်မသားနေခဲ့သောနေရာ ဟု
တဗျစ်တောက်တောက် အပြစ်ပြောနေလေသည်။

ထိုအကြောင်းကို ထိုမင်းချင်းက ဝိဒဋူဘထံ
ပြန်လည်လျှောက်ထားခဲ့သည်။ ထိုအကြောင်းကို
ကောသလမင်းကြီးပါသိပြီး ဝါသဘခတ္တိယနှင့်
ဝိဒဋူဘတို့ကို ရာထူးမှချထားခြင်း ခံရသည်။

နောင်တွင် ဘုရားရှင်က အမိမျိုး၊ အဘမျိုးတွင်
အဘမျိုးက အဓိကဖြစ်ကြောင်း ဟောပြောပြသဖြင့်
ကောသလမင်းက မူလမိဖုရားအရာ သားတော်
အရာနေရာနှင့် အဆောင်တော်များ ပြန်ပေးသည်။

ဝိဒဋူဘသည် မိမိသည် ကျွန်မသားဖြစ်ရခြင်း၊
မိမိနေရာကို နွားနို့ဖြင့်ဆေးခံရခြင်း၊
ရာထူးမှချထားခံရခြင်းတို့အတွက် ဒေါသထွက်ကာ-

“သာကီဝင်တွေ ငါထိုင်သောပျဉ်ချပ်ကို နို့ရေဖြင့်
ဆေးကြပါစေဦး၊ ငါမင်းဖြစ်ပါက သာကီဝင်မင်းတို့၏
လည်ချောင်းသွေးဖြင့် ငါ့ခြေ၊ ငါထိုင်သောနေရာကို
ဆေးကြောမည်” ဟု ရန်ငြိုးဖွဲ့ထားခဲ့လေသည်။

ဝိဒဋူဘသည် မိမိရည်ရွယ်ချက်အတိုင်း
ကောသလမင်း နတ်ရွာစံသောအခါ
ထီးနန်းဆက်ခံရသည်။

ထိုအခါ သာကီဝင်မင်းတွေကိုသတ်ရန် မျိုးသတ်စစ်ပွဲကို
ဆင်နွှဲခဲ့သည်။ ဘုရားရှင်သည် သုံးကြိမ်တိုင်တိုင်
ဆွေတော်မျိုးတော်တို့၏ အသက်ဘေးလွတ်မြောက်ရန်
ဝိဒဋူဘအား တားဆီးပေးခဲ့သည်။

သာကီဝင်မင်းတို့၏ အတိတ်ဝဋ်ကြွေးကိုသိ၍
နောက်ဆုံးတွင် ဘုရားရှင်သော်မှ
တားဆီး၍ မရနိုင်တော့ပေ။

“အတိတ်မကောင်းမှုကံ”

သာကီဝင်မင်းအပေါင်းတို့သည် အတိတ်ဘဝတစ်ခု၌
တံငါမျိုးတွင် ဖြစ်ခဲ့ကြသည်။ တံငါသည်တို့သည်
သားငါးများကို ဖမ်းယူ ရောင်းချ စားသောက်လျက်
အသက်မွေးဝမ်းကျောင်းပြုကာ နေထိုင်ခဲ့ကြသည်။

တစ်နေ့တွင် ရွာသားအားလုံး တိုင်ပင်ညီညွတ်ပြီး
တစ်ပေါင်းတည်းစုဝေးလျက် မြစ်တစ်ခုသို့သွားကြသည်။
မြစ်ထဲသို့ ငါးဆေးအဆိပ်တို့ကို ထည့်ခတ်ကြပြီး
ငါးတို့အဆိပ်မိ၍ သေကုန်ပြီး ရေပေါ်သို့
ပေါ်လာသောအခါ အလွယ်တကူကောက်ယူ၍
ဈေး၌ရောင်းချကြသည်။

ထိုအဆိပ်ခတ်သတ်ခဲ့သော မကောင်းမှုကံ၏
အကျိုးဆက်ကြောင့် ယခုဘဝတွင် သာကီဝင်မင်းတို့သည်
ဝိဒဋူဘမင်း၏ အစုလိုက်အပြုံလိုက် သတ်ဖြတ်မှုကို
ခံခဲ့ကြရလေသည်။

တူသောဆန္ဒ၊ တူသောစေတနာကို အခြေခံ၍
တူသောအလုပ်ကို လုပ်ကြရာတွင် မကောင်းသော
အလုပ်ကို လုပ်မိကြ၍ အတူလုပ်ဖော်ကိုင်ဖက်တို့
ဟူသော အကျိုးဝဋ်ကို ပေးဆပ်ကြရသည်။

ကောင်းသောအလုပ်ကို လုပ်လျှင်လည်း
ကောင်းသောအကျိုးကို ခံစားရပါသည်။
ဥပမာ-မာဃလုလင်နှင့် အဖော်သုံးကျိပ်၊
လင်းနို့သားငါးရာတို့သည် တူသောဆန္ဒ၊
တူသောစေတနာရှိခဲ့ကြ၍ တူသောကောင်းကျိုးကို
ခံစားခဲ့ကြရလေသည်။